கடந்தவாரம் சற்று ஏற்றம் கண்ட இந்திய ரூபாயின் மதிப்பு இந்தவாரம் தொடர் சரிவில் இருக்கிறது. வாரத்தின் மூன்றாம் நாளான இன்று(செப்.,4ம் தேதி, புதன்கிழமை) வர்த்தகநேர துவக்கத்தில் அமெரிக்க டாலருக்கு எதிரான இந்திய ரூபாயின் மதிப்பு 92 காசுகள் சரிந்து ரூ.68.55-ஆகவும் தொடர்ந்து 10.00 மணியளவில் ரூ.68.07-ஆகவும் சரிந்துள்ளது. முன்னதாக நேற்று வர்த்தகநேர முடிவில் ரூபாயின் மதிப்பு ரூ.67.63-ஆக இருந்தது. நடப்பு கணக்கு பற்றாக்குறை உயர்ந்து வருவதாலும், உலகளவில் கச்சா எண்ணெய்யின் விலை அதிகரித்து வருவதாலும் இதனால் இறக்குமதியாளர்களுக்கு டாலரின் தேவை அதிகரித்து வருவதாலும் ரூபாயின் மதிப்பில் சரிவு காணப்படுவதாக சந்தை வல்லுநர்கள் தெரிவித்துள்ளனர்.